Kvar song ei soge

I songen skaper folk rundt Møsvatn, høgt til fjells, 900 moh og tett på Hardangervidda, meiningsfulle forteljingar i og om liva sine. Songane bind saman fortid og framtid, minne og forventningar. I eit ubrote samspel fortel songen historiar og skaper historie. Slik blir kulturarva levande i kvardag og fest frå vogge til grav. Kultur er ikkje noko gitt, men ei alltid uavslutta oppgåve. Filmen handlar om å ta vare på ein eldgamal tradisjon og å utvikle han vidare. Varmt og nært, muntert og sorgfullt blir det i KVAR SONG EI SOGE fortalt om det å høyre til, reise bort og å lengte heim. Om regissøren: Aaslaug Vaa (født 1955) er utdanna agronom, allmennlærar og cand. phil. med fagkretsen historie, filosofi og kunsthistorie. Ho har jobba i kultursektoren sidan 1981. Aaslaug var kino- og kultursjef i Åsnes frå 1981 til 1986 og fylkeskultursjef i Nordland frå 1986 til 2008. Under hennar leiing vart det etablert institusjonar som m.a. Figurteateret i Nordland, Nordland kunst- og filmfagskole, Arkiv i Nordland, Kulturminner i Nordland, Hamsunsenteret på Hamarøy samt "Skulpturlandskap Nordland". I tillegg har ho hatt ein rekke styreverv i norsk kulturliv, samt vert redaktør og forfattar på fleire publikasjonar. Ho har regissert den prisbelønte SING LINGELING som mottok NRKs publikumspris under Kortfilmfestivalen i Grimstad 2014, er vist ved ein rekkje norske filmfestivalar, innkjøpt av NRK Super og biblioteka, samt vist på Aftenposten TV. I tillegg har ho produsert STJERNER OVER LOFOTEN og REISEN GJENNOM LOFOTEN. KVAR SONG EI SOGE er hennar fyrste dokumentarfilm.